錢

可能較少突如其來的心頭好要買，收支向來平衡，自給自足，好少成日望住個戶口過日子。可以講係住在深山，天外高人，擺脫煩塵俗世。
不過我最終都要面對世俗既煩惱。剛剛計好月尾要埋既單───連交稅保險洗衣機爸爸強積金再加埋個Harddisc，盛惠二萬三千八百大元。
望一望個可憐既戶口，大鑊，唔─夠─錢！慌忙度度要找邊條數先，呢條數？定呢條呢？有幾條數已經欠開(懶理)，要快找，剩翻既幾條數都唔好得幾多，三十一號死線，除咗因為我唔見咗張ATM卡(其實係提錢時講緊電話，唔記得拎翻張卡，部機吞翻落肚，我還要隔一日先想起)要被迫在另一個所剩無幾既戶口提錢而唔急住填番條數之外，條條數都水浸眼眉。
好耐未試過咁霉。
而家點算？
等囉。
等咩？
等出糧囉。
做埋兼職都窮成咁，我今年係咪大使咗呢‧‧‧
等我又學人諗吓人生既意義先。莫非真係辛苦工作為找月尾條數？‧‧‧
唉‧‧‧錢呀，你返來咯‧‧‧